ГАЗАР ЭЗЭМШИХ ЭРХИЙН НЭЭЛТТЭЙ ТӨСӨЛ СОНГОН ШАЛГАРУУЛАЛТАНД УРЬЖ БАЙНА

Аймгийн Засаг даргын 2021 оны 04 дүгээр сарын 19-ний өдрийн  А/206 дугаар захирамжийн дагуу дараахь байршилуудад аялал жуулчны баазын зориулалтаар эзэмшүүлэхээр төсөл сонгон шалгаруулалтыг зарлаж байна. Үүнд:

1. Малчин сумын нутаг Хяргас нуурын хөвөөнд аялал жуулчлалын зориулалтаар 5-н байршилд нийт 100000м2-аар
2. Сагил сумын нутаг Үүрэг нуурын хөвөөнд аялал жуулчлалын зориулалтаар 3-н байршилд тус бүр 10000м2-аар
3. Тариалан сумын нутаг Увс нуурын хөвөөнд 2 байршилд тус бүр 10000м2-аар
4. Улаангом сумын 2 дугаар багийн нутаг Улаантолгойд 5000м2-аар, Улаан уулын дээд талд 10000м2-аар 

Төсөл сонгон шалгаруулалтын дугаар: ГХБХБГ – 2021/02

Төсөл сонгон шалгаруулалт нь түүнийг нээсэн өдрөөс эхлэн 60 хоногийн дотор хүчинтэй.

Төслийг Засгийн 2016 оны 10 дугаар тогтоолын 2 дугаар хавсралтаар батлагдсан “Газар эзэмшүүлэх төсөл сонгон шалгаруулалт явуулах журам”-ын дагуу шалгаруулалтыг явуулна.

Төслийг  Монгол улсын стандарт MNS 6043:2019 /Амралтын газар, жуулчны баазад тавих ерөнхий шаардлага/-ын хүрээнд боловсруулж, доор дурдсан шаардлагуудыг хангасан байна. 

1. Хөрөнгийн баталгаа, төлбөрийн чадвартай байх. /Төлбөрийн чавдартай эсэхийг нотолсон банкны  тодорхойлолт /
2. Мэргэжлийн ажиллах хүчний болон техник, технологи, тоног төхөөрөмжийн чадавхтай байх.
3. Төсөл нь зарласан нөхцөл шаардлага, стандартыг хангасан байх
4. 3-5 жилийн хөрөнгө оруулалтын болоод үйл ажиллагааны бизнес төлөвлөгөөтэй байх
5. Төслөө зарласан хугацаанд ирүүлсэн байх

Төслийн материалыг 2021 оны 06 дугаар сарын 21-ны  өдрийн 09 цагаас 2021 оны 06 дугаар  сарын 22-ны өдрийн 15 цагаас өмнө ирүүлэх ба нээлтэд оролцох хүсэлтэй оролцогчдыг байлцуулан 2021 оны 06 дугаар  сарын 23-ны өдрийн 10 цагт нээнэ.

Төсөл сонгон шалгаруулалтын талаарх дэлгэрэнгүй мэдээллийг  70453122 дугаар утсаар авна уу.

Увс аймгийн Газрын харилцаа, барилга хот байгуулалтын газар